Telefonlara gələn zəlzələ məlumatı ilə bağlı bildirmək istəyirik ki, zəlzələ Türkmənistan ərazisində baş verib və Azərbaycanla heç bir əlaqəsi yoxdur.
Bu barədə APA-ya Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin informasiya şöbəsinin müdiri Vüsalə Rafiqqızı bildirib.
Türkmənistanda 5 bal gücündə zəlzələ qeydə alınıb.
APA xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.
Zəlzələnin episentri 68,2 min nəfərin yaşadığı Türkmənbaşı şəhərindən 34 km şimal-şərqdə, 47 km dərinlikdə yerləşib.
