İstanbulda Ataturk Hava Limanında Türkiyənin Havaçılıq, Kosmos və Texnologiya Festifalı – Texnofest-2023 keçirilir.

APA-nın məlumatına görə, Texnofest artıq 6 ildir ki, təşkil olunur və bu il 7-cisi keçirilir.
Festival çərçivəsində komandalar arasında texnologiya sahəsində yarışlar təşkil olunur, sərgilər keçirilir, uçuşlar nümayiş olunur.
Mayın 1-dək keçirilən festivalda Türkiyənin “Kızılelma” pilotsuz döyüş təyyarəsi, “Bayraktar Akıncı”, “Bayraktar TB3”, “Bayraktar TB2” pilotsuz silahlı döyüş aparatları, “Hürjet” təlim təyyarəsi, “Altay” tankı nümayiş olunur.



Texnofest çərçivəsində Azərbaycan stendi qurulub. Stentdə pilotsuz aparatlar, o cümlədən Bakıda 2-6 oktyabr tarixlərində keçiriləcək Aerokosmonavtika Konqresi haqqında məlumat təqdim olunur.