Qarabağda Rusiya sülhməramlılarının müvəqqəti məsuliyyət zonasındakı erməni separatçılar arasında təşviş və xaos hökm sürür.

Belə ki, artıq separatçıların yanacaqla bağlı böyük çətinlikləri yaranıb. Buna görə də onlar “ekonom rejim”ə keçməli olublar.

Sosial şəbəkənin erməni seqmentindəki məlumatlarda qeyd olunur ki, yaranmış vəziyyətdən böyük qorxu keçirən təşviş içindəki separatçılar benzin, dizel yanacağı və maye qazla bağlı çatışmazlıq yaşayırlar. Məhz bu səbəbdən yanacaqla bağlı “ekonom rejim” qərarı alınıb. Həmçinin separatçılar insanlara ictimai nəqliyyatdan mümkün qədər az istifadə etməyi tapşırıblar.

Qeyd edək ki, bu “qərar”, əslində, separatçıların təşviş içində, nə qədər aciz və cılız durumda olduqlarının göstəricisidir. Sosial şəbəkə və erməni mətbuatında pafoslu bəyanatlardan çəkinməyən separatçılar öz acizliklərində Azərbaycanı ittiham etməyə cəhd göstərirlər. Halbuki, qazla bağlı məsələ dünyadakı mövcud geosiyasi durumda kifayət qədər təbii haldır və dünyanın bir çox ölkəsində də analoji problemlər müşahidə olunur.

Yanacaqla bağlı “ekonom rejim”ə keçən separatçılar isə ənənəvi erməni taktikasına keçir – “özünü məzlum kimi qələmə verərək mərhəmət dilənmək” variantından istifadə edirlər.

Oxu.az