Qarabağda istehsal edilən "yaşıl enerji" Abşerona transfer ediləcək
Tarix: 6-10-2022, 11:23 | Çap et


BP ilə Qarabağdakı “yaşıl enerji” layihəsinə əsasən burda əldə olunan enerji Abşerona transfer ediləcək.

Vertikal.az APA-ya istinadən xəbər verir ki, bunu Milli Şəhərsalma Forumunda energetika nazirinin müavini Elnur Soltanov deyib.

“Yəni Abşeronda Qarabağda istehsal olunan “yaşıl enerji”dən istifadə olunacaq”, - o əlavə edib.

Elnur Soltanovun sözlərinə görə, 2030-cu il üçün milli prioritetlər arasında yaşıl mühit və ölkənin yaşıl böyüməsi var, eyni zamanda, “yaşıl enerji” məkanının yaradılması hədəflənib: “Bu prioritetlər də 2 beş illik plan əsasında reallaşacaq. Azərbaycanın külək enerjisi ilə bağlı 3000 MW, günəş enerjisi ilə bağlı 23 000 MW, bio enerji ilə bağlı 380 MW, mini-hidro ilə bağlı potensialı 520 MW-dır. Ofşor enerji potensialımız isə 157 GW-dır. Azərbaycan neft ölkəsidir, qaz ixrac edir, həm də külək enerji potensialı var. Bu isə o deməkdir ki, Azərbaycan həm də bərpaolunan enerji ixrac edən ölkə olaraq digər ölkələrə də enerji ixrac edə bilər”.




Xəbərlər
 
 
 
 
 
 
 
 
 
 
 
 
 
 
 
 
 
 
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
E-mail : [email protected]
Designed by Daraaz.net