Gürcüstan Rusiyaya gedən yük maşınlarına Azərbaycandan keçməyi təklif edib
Tarix: 27-06-2022, 22:26 | Çap et


Gürcüstan Kazbeki sərhəd-keçid məntəqəsinin bağlanması ilə əlaqədar Rusiya Federasiyasına gedən avtonəqliyyat vasitələrinin sahiblərinə Azərbaycan ərazisindən istifadə etməyi təklif edib.

APA-nın yerli bürosu xəbər verir ki, bu barədə Gürcüstanın Maliyyə Nazirliyinin Gəlirlər Xidməti məlumat yayıb. Bildirilib ki, Rusiya Federasiyasına gedən avtonəqliyyat vasitələri Sınıq Körpü və Laqodexi gömrük-keçid məntəqələrindən istifadə edərək sərhədkeçmə prosedurlarını həyata keçirə bilər.

Qeyd edək ki, Dariyal dərəsindəki mürəkkəb meteoroloji vəziyyətlə əlaqədar Kazbegi gömrük keçid məntəqəsində bütün növ gömrük nəzarəti prosedurları dayandırılıb.

Güclü yağışlar nəticəsində baş vermiş daşqın Gürcüstan və Rusiyanı birləşdirən beynəlxalq yolun Rusiya Federasiyası ilə sərhədə yaxın hissəsini zədələyib.

“Hava şəraiti yaxşılaşdıqdan və təmir-bərpa işləri başa çatdıqdan sonra Kazbeki gömrük-keçid məntəqəsi tam gücü ilə fəaliyyətini davam etdirəcək”, - deyə nazirliyin məlumatında bildirilib.




Xəbərlər
 
 
 
 
 
 
 
 
 
 
 
 
 
 
09-08-2022 12:22
 
 
 
 
 
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
Bizimlə Əlaqə : Tel - 077 333-72-33 E-mail : [email protected]
Designed by Daraaz.net