“Amfibiya”nın mühəndisi: “Türkiyədə bütün tapşırıqları yerinə yetirmişik”
Tarix: 26-06-2022, 17:02 | Çap et


"Biz iki uçuş həyata keçirərək yanğın olan ərazilərə 120 tondan artıq su boşaltmışıq, bununla da yanğınların lokallaşdırılmasına nail olmuşuq".

Bu barədə APA-nın İstanbul müxbirinə açıqlamasında Marmarisdə meşə yanğınlarını söndürmək üçün Azərbaycandan gələn Fövqəladə Hallar Nazirliyinə məxsus “BE-200ÇS” amfibiya tipli təyyarənin uçuş mühəndis-təlimatçısı Cavid Qəhrəmənlı bildirib.

"Heç istəməzdik ki, qardaş Türkiyədə bu cür fövqəladə hadisə olsun, amma digər tərəfdən də bizim üçün bu yanğınların söndürülməsində iştirak etmək böyük şərəfdir. Bu gün etibarı ilə qarşımıza qoyulan bütün tapşırıqları tam yerinə yetirmişik. Mərkəzləşdirilmiş yerli koordinasiya mərkəzinin yeni tapşırıqlarını gözləyirik. Lazım olduğu təqdirdə mərkəzdən verilən koordinatlara uyğun olaraq yenidən yanğınsöndürmə prosesində iştirak edəcəyik", - deyə o bildirib.

C. Qəhrəmanlı amfibiya tipli təyyarənin bu il Türkiyədə baş verən meşə yanğınlarının söndürülməsində əhəmiyyətli rol oynadığını da qeyd edib.

"Bildiyiniz kimi, amfibiya tipli təyyarələr ekstremal şəraitdə idarə olunduğuna görə digərləri ilə müqayisədə onun ekipajına xüsusi hazırlıq tələb olunur. Bizim ekipaj da yüksək peşəkarlığı ilə seçilir. Aramızda gənc pilotlar da var, onlar da burada vacib təcrübə qazanır və indiyədək qarşıya qoyulan bütün tapşırıqların icrasında heç bir problem yaşamamışıq".

Həmsöhbətimiz Türkiyə Prezidenti cənab Rəcəb Tayyib Ərdoğanın Azərbaycandan gəlmiş uçuş heyəti ilə görüşdüyünü xatırladaraq, bunun ekipaj üçün böyük şərəf olduğunu vurğulayıb.




Xəbərlər
 
 
 
 
 
 
 
 
 
 
 
 
 
 
 
 
 
 
 
 
15-08-2022 11:30
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
Bizimlə Əlaqə : Tel - 077 333-72-33 E-mail : [email protected]
Designed by Daraaz.net