Kiyevə təcrid zonasından irəliləyən rus qoşunları İvankov kəndi yaxınlığında Ukrayna Silahlı Qüvvələri tərəfindən dayandırılıb.
Bizimyol.info xəbər verir ki, bu barədə Ukrayna Silahlı Qüvvələrinin Baş Qərargahındakı mənbələrə istinadən “Ukrayinska Pravda” məlumat yayıb.

"Rusiya tankları Kiyevə doğru irəliləyir, lakin İvankov yaxınlığında döyüş baş verib. Ukrayna qüvvələri rus karvanını dayandırmaq üçün körpünü partladıb", - deyə məlumatda bildirilir.

Qeyd olunur ki, İvankov sərhəddən Kiyevə qədər olan məsafənin yarısı hesab olunan ərazidə yerləşir. Bundan sonra Vışqorod vasitəsilə paytaxta hücum etmək fürsəti yaranır.

Xatırladaq ki, fevralın 24-də Putin Ukraynaya genişmiqyaslı müdaxiləyə başlayıb, bir sıra şəhərlərə hücum edib.