Səyahət dünyanı görmək, dünya görüşünü artırmaq və yeni dadları yoxlamaq üçün ən yaxşı vasitədir. Digər tərəfdən, səyahətlərə çoxlu pul xərcləmək heç də vacib deyil. Aviasales.az ekspertləri təyyarə biletlərini sərfəli qiymətə almağın yolları barədə danışıblar.

Təyyarə biletləri üzrə axtarış saytları

Axtarış saytları cəmi bir neçə saniyə ərzində bütün saytlardan məlumatları bir araya toplayacaq və sizə ən uyğun qiymət variantını təklif edəcək. Aviasales.az saytı da məhz bu işlə məşğuldur.

Bu halda siz arzu etdiyiniz biletin tapılmasına və alınmasına minimum vaxt sərf edəcəksiniz.

Bunun müsbət tərəflərindən biri aylıq qiymət təqvimidir ki, onun vasitəsilə ən ucuz uçuş tarixini seçmək olar.

Erkən rezervasiya

Sərfəli qiymətə təyyarə biletlərinin alınmasının əsasını məhz bu üsul təşkil edir. Belə ki, beynəlxalq uçuşlar üçün biletləri 6 ay, daxili uçuşlar üçün biletləri 2 ay əvvəlcədən almaqla pula xeyli qənaət etmiş olacaqsınız. Bu üsul xüsusən də səfərlərini əvvəlcədən planlaşdıran şəxslər üçün aktualdır.

Aviaşirkətlərin yeniliklərinə abunə

Bu halda aksiyalar və xüsusi təkliflər barədə ilk xəbər tutan siz olacaqsınız. Bəzən qiymətlər bir anın içində dəyişə bilir, bu cür hallarda sizə dərhal bildiriş göndəriləcək. Unutmayın ki, qiymət nə qədər sərfəlidirsə, bileti bir o qədər tez almaq lazımdır.

Həftənin ortasında gediş-dönüş

Çərşənbə axşamı, çərşənbə və cümə axşamı uçuş qiymətləri baxımından həftənin ən sərfəli günləri hesab olunur. Səfərinizi elə planlaşdırın ki, uçuş həftənin ortasına təsadüf etsin. Bu halda həftə sonlarını getdiyiniz ölkədə keçirə biləcəksiniz.

Mürəkkəb marşrut

Səfər marşrutunuza eyni zamanda bir neçə ölkə və şəhəri daxil edin. Bu halda səfəriniz daha zəngin və yaddaqalan olmaqla yanaşı həm də qənaət etməyə imkan verəcək. Hər dəfə Bakıdan birbaşa səfər etməkdənsə, xarici ölkələr və şəhərlər arasında daxili uçuşlardan istifadə etmək qat-qat ucuz başa gəlir.

“Qaynar turlar”

Sərbəst səfərlərin populyarlığına baxmayaraq, məhz turizm agentliklərinin təklif etdiyi “qaynar turlar” vasitəsilə çox ucuz qiymətə təyyarə biletləri almaq olar. Bu halda qalma yerini, sığorta polisini və transferi bonus qismində əldə edə bilərsiniz.

Qeyri-turizm mövsümü

Turizm mövsümün ən pik vaxtında biletlər bir qayda olaraq çox baha olur. Qeyri-turizm mövsümündə bu cür problemlər olmur. Belə ki, uçuşa tələbat az olduğundan biletləri sərfəli qiymətə əldə etmək mümkündür. Bunun digər müsbət tərəfi turist sayının azlığı və otel qiymətlərinin aşağı olmasıdır.

Minimum yük

Özünüzlə yalnız ən zəruri şeyləri götürün və səfərə yüksüz çıxın. Bu, qənaət etməyə imkan verəcək. Belə ki, loukosterlər yükün daxil olmadığı ucuz biletlər təklif edirlər. Bu cür biletlərə yük əlavə etdikdə onun ödənişi ayrıca hesablanır. Mütəmadi reyslər həyata keçirən təyyarə şirkətləri də yükün daxil edilmədiyi aşağı tarif təklif edirlər, buna görə də seçim sizindir!

Uğurlu uçuşlar!