İran İslam Respublikasının xarici işlər naziri Hüseyn Əmir-Abdullahian azərbaycanlı həmkarı ilə telefon danışığından sonra deyib ki, Tehran və Bakı arasında münasibətlər qarşılıqlı hörmət əsasında inkişaf edir.

APA bildirir ki, nazir bunu “Twitter” səhifəsində yazıb:

“İran İslam Respublikası və Azərbaycan Respublikası bir çox ortaq cəhətləri olan iki müsəlman qonşudur”.

O, Azərbaycanın xarici işlər naziri Ceyhun Bayramovla dünənki telefon danışığına toxunaraq, onunla səmimi və konstruktiv söhbət etdiyini vurğulayıb.

Qeyd edək ki, şənbə günü Əmir-Abdullahian və Bayramov telefon danışığında ikitərəfli münasibətləri müzakirə ediblər.