İcra başçısından Bakı Avropa Oyunlarına "töhfə"...
Tarix: 16-04-2015, 10:56 | Çap et
İcra başçısından Bakı Avropa Oyunlarına "töhfə"...
Bakıda keçiriləcək Birinci Avropa Yay Oyunları bəzi icra başçılarının qazanc yerinə çevrilib. JAM.AZ xəbər verir ki, artıq bir neçə rayonda bununla bağlı qalmaqallı vəziyyət yaşanır. Onlardan biri də Füzuli rayonudur.

Daxil olan məlumata görə, Füzuli rayon İcra Hakimiyyətinin başçısı Alı Alıyev Avropa Yay Oyunlarını bəhanə edərək, bütün büdcə təşklatlarından və yerli sahibkarlardan pul toplatdırır. JAM.AZ-a verilən bilgilərdə qeyd olunur ki, Alıyev müavinləri vasitəsi ilə yerli idarə və müəssisə rəhbərlərinə ismarıc göndərib ki, sözügedən idman yarışına maliyyə yardımı etmək zərurəti yaranıb və bu səbəbdən də onların hər biri müəyyən məbləğdə dəstək verməlidirlər.

Analoji durumla həmçinin sahibkarlar da üzləşiblər. Və onlara da çatdırılıb ki, Avropa Oyunlarının təşkili üçün hər biri pul verməlidir. İş adamlarından istənilən məbləğin onların ticarət dövriyyəsinə uyğun şəkildə olduğu vurğulanır. Bildirilir ki, ilkin rəqəm 500 manatdan başlayır və 5000 manata qədər yüksəlir. Büdcə təşkilatları üçün isə bu rəqəm standrat olaraq 5 min manatdır.

Maraqlıdır ki, rəsmi qurumlardan yerli İcra Hakimiyyətlərinə bu məsələ ilə bağlı heç bir şifahi və ya yazılı göstəriş gəlməyib. Gedişatdan isə belə məlum olur ki, bəzi icra başçıları əlverişli şəraitdən yararlanaraq, pul toplamaq fikrinə düşüblər.

Qarşı tərəfin də mövqeyini dərc etməyə hazırıq.





Xəbərlər
 
 
 
 
 
 
 
 
 
 
 
 
 
 
09-08-2022 12:22
 
 
 
 
 
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
Bizimlə Əlaqə : Tel - 077 333-72-33 E-mail : [email protected]
Designed by Daraaz.net