21 iyul 2022-ci il tarixində Bakı Fond Birjasının (BFB) Listinq Komitəsinin qərarı ilə “Unibank Kommersiya Bankı” ASC-nin ümumi dəyəri 11,9 milyon manat olan səhmləri standart bazar seqmentində listinqə daxil edilib.
Bu barədə "APA-Economics"ə BFB-dən bildirilib. Məlumata görə, 2022-ci ilin 10 avqust tarixinədək abunə yazılışı həyata keçiriləcək. Bakı Fond Birjasının ticarət qaydalarına əsasən abunə yazılışı başa çatdıqdan sonra 5 iş günü müddətində qiymətli kağızların ticarəti baş tutacaq. Qeyd edək ki, 4 375 000 ədəd adi adlı sənədsiz səhmlərin nominal dəyəri 2.72 manatdır.
Yerləşdirmə üzrə anderrayter isə “Unicapital İnvestisiya Şirkəti” QSC-dir.
