Türkiyəli nazir Şəhid xiyabanını və “Türk şəhidliyi”ni ziyarət etdi - VİDEO
Tarix: 22-12-2021, 17:28 | Çap et
Türkiyəli nazir Şəhid xiyabanını və “Türk şəhidliyi”ni ziyarət etdi - VİDEO
Dekabrın 22-də Bakıda keçiriləcək Azərbaycan-Türkiyə 1-ci Enerji Forumunda iştirak etmək üçün ölkəmizdə səfərdə olan Türkiyənin energetika və təbii sərvətlər naziri Fatih Dönməz Fəxri xiyabana gedərək müasir müstəqil dövlətimizin memarı və qurucusu, xalqımızın ümummilli lideri Heydər Əliyevin məzarını ziyarət edib.

Dahi şəxsiyyətin əziz xatirəsi böyük ehtiramla yad edilib, məzarı önünə əklil qoyulub.

Görkəmli oftalmoloq-alim, akademik Zərifə Əliyevanın da xatirəsi anılıb və məzarı üzərinə tər güllər düzülüb.

Daha sonra Şəhidlər xiyabanına gələn nazir Fatih Dönməz Azərbaycanın müstəqilliyi və ərazi bütövlüyü uğrunda mübarizədə canlarından keçən qəhrəman Vətən övladlarının xatirəsinə ehtiram ifadə edib, məzarları üzərinə güllər düzüb.

Həmçinin “Türk şəhidliyi” abidəsi ziyarət olunub, abidənin önünə gül dəstələri qoyulub. Daha sonra nazir jurnalistlərə açıqlama verib.

Ətraflı Baku TV-nin süjetini təqdim edirik:




Xəbərlər
 
 
 
 
 
 
 
 
 
 
 
 
 
 
 
 
 
 
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
E-mail : [email protected]
Designed by Daraaz.net