Türkiyədə yaşayan tanınmış azərbaycanlı aktrisa Könül Nağıyeva “Diriliş Ertuğrul” serialından ayrılıb.
Serialda monqol Alanqoyanı canlandıran Könül Nağıyevanın rolu ötən gün yayımlanan seriyada bitib.
Mövsüm fasiləsinə çıxan serialın ötən günkü buraxılışında Alanqoya, Ertuğrulun anası Hayme Ana tərəfindən öldürülür.
Bu barədə aktrisa İnstagram hesabında da məlumat verib. O tamaşaçılara dəstəklədikləri üçün öz təşəkkürünü bildirib:
“Gözəl insanlar, şərhləriniz, reaksiyalarınız, arzularınız üçün çox təşəkkür edirəm. Rola gərəyi əsəblərinizi biraz gərdim. Amma sayənizdə çox stimul aldım, xoşbəxt oldum. Alanqoyanı sevmək çətindir, ancaq onun da inandığı həqiqətlər vardı, ona haqq verərək oynadım və sevdim. Təkrar sağ olun, var olun!”.
