Ölkənin ən böyük otel şəbəkəsi “ABSHERON Hotel Group” MMC-yə daxil olan hotellərin bir şəxs tərəfindən rəhbərliyinə son qoyulur. Törəmə şirkətlərin baş direktor/baş menecerləri dəyişib.
Dia.az Banker.az-a istinadən xəbər verir ki, buna qədər isə Səidə Baxşiyeva Əflatun qızı 4 hotel şirkətinin rəhbərli vəzifəsindən azad edilib.
Bildirməliyik ki, Bakı Bulvarında yerləşən bu hotel hazırda “Marriot” brendi ilə fəaliyyət göstərir.
Patrıck Johannes “Baku Boulevard Hotel Company” MMC-nin, Elşən Qurbanəliyev Malikoviç “Shahdag Hotel Company” MMC və “Yeni Bilgəh Hoteli” MMC-yə, Sevda Məmmədova Yasın qızı “Yeni İntourist Hotel Company” MMC-yə baş direktor təyin edilmişdir.
Lakin o da qeyd edilməlidir ki, Baxşıyeva “Baku Hospitality Company” MMC şirkətlərin, həmçinin Bakı Beynəlxalq Avtovağzal Kompleksinin direktoru (“Bakı XXI Əsr” MMC) vəzifəsində rəsmi olaraq qalmaqdadır.
S.Baxşiyeva hazırda ana şirkət “PAŞA Holding” MMC-nin aqrar sahədə yenicə brend qazanan nəhəng şirkəti “Agro Diary” MMC-nin Baş maliyyə inzibatçısıdır. Bu vəzifəni eyni ilə 2020-ci ilin iyununa qədər “Absheron Hotel Group”da daşımışdır.
