![PKK-nın siyasi qanadının rəhbri barədə cinayət işi açıldı PKK-nın siyasi qanadının rəhbri barədə cinayət işi açıldı](/uploads/posts/2015-07/thumbs/1438320827_v.jpg)
Türkiyə Prokurorluğu ötən ilin 6-8 oktyabr tarixlərində baş verən hadisələrlə əlaqədar PKK-n;n siyasi qanadı hesab olunan kürdyönümlü Xalqların Demokratik Partiyasının (HDP) sədri Səlahəddin Dəmirtaşa qarşı cinayət işi başladıb.
Modern.az saytı Türkiyə mətbuatına istinadən xəbər verir ki, HDP sədrinin həmin kütləvi etiraz aksiyalarında əlaqəsinin olduğu bildirilir. Dəmirtaş Türkiyə Cəza Qanununa görə millətlər arasında ədavət və Türkiyə əhalisinin iki etnik qrupu arasında qarşıdurma yaratmaqda ittiham edilir.
Prokurorluq HDP sədrinin müqəssir olduğunu müəyyən edəcəyi təqdirdə, konstitusiyanın 83 maddəsinə əsasən Dəmirtaş deputat toxunulmazlığı statusundan məhrum edilə bilər.
Artıq faktla bağlı araşdırma başlayıb. HDP sədri 24 ilədək azadlıqdan məhrum edilə bilər. Buna etiraz əlaməti olaraq HDP-nin 80-nə yaxın deputatı toxunulmazlıq statusundan imtina etmək üçün müraciət edib.