Bu ilin yanvar-may aylarında Azərbaycanda 12,6 mln. ton neft (kondensatla birlikdə) ixraca nəql olunub.
Energetika Nazirliyindən “APA-Economics”ə verilən məlumata görə, hesabat dövrü ixrac edilən neft (kondensatla birlikdə) 2019-cu ilin yanvar-may aylarına nisbətən 468 min ton azdır.
Neft-kondensatın 12 mln. tonu “Azəri-Çıraq-Günəşli” neft-qaz yataqları blokunun və “Şahdəniz” qaz-kondensat yatağının payına düşüb, 569 min tonu isə SOCAR üzrə ixraca nəql edilib.
