İspaniyanın "Barselona" klubu futbolçusu Ansu Fatini İngiltərə "Mançester"inə satmaqdan imtina edib.
"Report"un "Catalunya Radio"ya istinadən məlumatına görə, Kataloniya təmsilçisi 150 milyon avroluq təklifi geri çevirib. Bundan sonra 18 yaşlı hücumçunun təzminat haqqı 170 milyon avrodan 400 milyon avroya yüksəlib.
Qeyd edək ki, Ansu Fati "Barselona"nın yetirməsidir. Gənc forvard ötən mövsüm La Liqada 11-i əsas heyətdə olmaqla, 24 oyuna 7 qol vurub və 1 məhsuldar ötürmə edib. Onun klubla müqaviləsi 2022-ci ilin yayınadəkdir. Cari mövsümdə isə ispaniyalı hücumçu "Vilyarreal"ı 4:0 hesabı ilə yendikləri görüşdə dubl edib.
