Aqrar Universitetdə yay bazarlığı
Tarix: 19-06-2015, 12:20 | Çap et
Aqrar Universitetdə yay bazarlığı
Dövlət Aqrar Universiteti yay bazarlığını başa vurub. TİA.AZ-n əldə etdiyi xəbərə görə, Kənd Təsərrüfatı Nazirliyinin tabeliyində fəaliyyət göstərən təhsil müəssisəsi semestr imtahanlarının haqq-hesabını çəkib.

Rektor İbrahim Cəfərov ölkənin tanınmış təhsil ocağını biznes obyektinə çevirməklə öz maliyyə imkanlarını genişləndirib. Universitetdə imtahanlar zamanı tələbələrdən qiymətə görə alınan xərac Tədris İşləri üzrə prorektoru Anar Hətəmovun nəzarəti altında həyata keçirilib.
Rektor yaxasını kənara çəkməklə bu prosesə qıraqdan təsirini göstərib. Məlumatda qeyd olunur ki, İ.Cəfərov tələbələrə təzyiq etməklə buna nail olur. O, elə bir rüşvət sistemi yaradıb ki, tələbələr bu labirintdən çıxa bilməsin.
Ali məktəbdə təhsilin səviyyəsindən isə danışmağa dəyməz. Gəncədə yerləşən Dövlət Aqrar Unversiteti kənd təsərrüfatı sahəsi üçün mütəxəssislər yetişdirməlidir. İ.Cəfərov isə təhsil ocağında rüşvəti yetişdirməklə bəhrəsini görməkdədir.
Universitetin Aqronomluq, Aqrotexnologiya, Baytarlıq Təbabəti və Əczaçılıq fakültələrində imtahanlar əyani görüşlərlə keçirilir. Dekanların qəbuluna yazılan tələbələr semestr imtahanının məbləğini danışırlar. Elektroenergetika və İnformasiya Texnologiyaları, Mühəndislik, Aqrar İqtisadiyyat fakültələri də geri qalmır.
Hər imtahan üçün 30-40 manat rüşvət alınır. Eyni zamanda bir çox tələbələr var ki, onlar ildə bir dəfə universitetə təşrif buyururlar. Həmin tələbələr universitet rəhbərliyinə illik deyilən “ödəmə” verirlər.
Universitetə testdən kənar qəbul olmaq üçün isə ən azı 6-8 min manat arası “ödəmə” verildiyi bildirilir. Prorektor Anar Hətəmovun xüsusi əməyi qeyd olunmalıdır. Qiyabi təhsil alan yüzlərlə tələbə isə hər semestrdə qiyabi şöbənin müdiri Siyavuş Vəliyevlə görüşürlər. Hər imtahan üçün 50 manat “ödəmə” verən qiyabi oxuyan tələbələr imtahanlarından kafi qiymət almış hesab olunurlar. Artıq təhsil naziri və Baş Prokurorluq yanında Korrupsiyaya qarşı Mübarizə İdarəsinə rektordan şikayətlər daxil olduğu bildirilir.





Xəbərlər
 
 
 
06-07-2020 09:41
 
 
 
 
 
 
 
 
 
 
 
 
 
 
 
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
Bizimlə Əlaqə : Tel - 070 209-30-39 E-mail : [email protected]
Designed by Daraaz.net