Moskva və bəzi digər regionların mağazalarında koka-kola almaq istəyən alıcılardan pasport tələb edilir.
Axar.az xəbər verir ki, bu barədə informasiyanı rus blogger Viktor Kadoçnikov yayıb. Onun sözlərinə görə, pasport təqdim etmədən həmin mağazalarda heç kimə koka-kola verilmir.
Qeyd edək ki, Rusiyanın bəzi regionlarında bir müddət əvvəl yetkinlik yaşına çatmayan şəxslərə tərkibində kofein olan sərinləşdirici içkilərin satışı qadağan olunmuşdu. Həmin siyahıda Koka-Kola, Pepsi, Dr.Pepper, Mountain Dev və hətta Rusiya içkisi olan Baykal brendlərinin adı yer almışdı.
