İki gündən sonra Rusiyanın paytaxtı Moskvada möhtəşəm Qələbə paradı keçiriləcək. ANS PRESS-in məlumatına görə, paradın son məşqi keçirilib. Qızıl meydandan texnikanın evakuasiyası məşq edilib.
Meydana toplaşanlar üçün ən gözlənilməz an yeni texnika olan "Armata" tankının meydanda dayanması olub. Belə ki, tank mavzoleyin qarşısında durub. Digər texnika isə onun yanından keçərək gedib.
Paradı şərh edən diktor bunun planlaşdırlmış olduğunu və meydandan texnikanın evakuasiyasının məşq edildiyini deyib.
Məşqdən sonra Rusiyanın müdafiə naziri Sergey Şoyqu "Armata"ya yaxınlaşıb. Daha sonra isə tamaşaçılar onun fotolarını çəkiblər.
Qeyd edək ki, paradda azərbaycanlı hərbçilər də iştirak edəcək. Böyük Vətən Müharibəsində qələbənin 70 illiyinə həsr olunmuş təntənəli parada hazırlıq və iştirak məqsədilə Azərbaycan Respublikası Silahlı Qüvvələrinin hərbi qulluqçularından ibarət bölmə aprelin 25-də Moskva şəhərinə yola salınıb.
May ayının 9-da keçiriləcək paradı izləyənlər arasında Azərbaycan prezidenti İlham Əliyev də olacaq
