“Inter Az” kanalında yayımlanan “Arena” verilişinin son buraxılışında sabiq FİFA referisi Anar Salmanov gənc həmkarı Orxan Məmmədov haqda "Mənim Orxan Məmmədov kimi "dayday"ım yoxdur ki, belə qısa zamanda bu qədər "irəli" gəlim" ifadəsini işlədib.
“Qafqazinfo”ya danışan Məmmədov sabiq həmkarına belə cavab verib:
“Anar Salmanov Xaqani Məmmədovu pisləyir. Yaxşı bir atalar sözümüz var: “Bağda ərik var idi, salam-aleyk var idi, bağda ərik qurtardı, salam-aleyk qurtardı”. Salmanovun da işi buna oxşayır. O, hakimlik edəndə Xaqani müəllim əla idi. Amma indi gedib deyə, onu pisləyir. Xeyir qazananda susurlar, ziyana düşəndə Hakimlər Komitəsinin sədrindən başlayırlar. Kişi sözünü yerində deməlidir, daha gedibsə, niyə danışır? Deyir ki, “daydayı”m olub qabağa getmişəm? Bəs onda niyə mən köməkçi hakim olanda bu sözü demirdi, Oyunlara gedəndə Orxanı aparırdı?.
