Faşizm üzərində qələbənin ildönümü ərəfəsində Rusiyanın Lipetsk şəhərində Stalinin heykəli ucaldılıb.
Musavat.com xəbər verir ki, yerli hökumət buna mane ola bilməyib.
Şimali Osetiyada hazırlanan 3 metrlik büst Rusiya Kommunist Partiyasının Lipetsk bölməsinin qərargahı önündə, Kuznetsk küçəsində yerləşdirilib.
Dövlət Dumasının deputatı Nikolay Razvorotnevin sözlərinə görə, heykəllə bağlı bütün icazə və anlaşmalar şəhər rəhbərliyindən alınıb. Ancaq heykəl qoyulan zaman şəhərin vitse-meri Anna Şamayevadan məktub gəlib. Orada bilidrilirdi ki, heykəl yalnız kompartiyanıın ofisinin içində qoyula bilər.
“Biz qərarın hansısa şəkildə geri oxunmasını həddən artıq gecikmiş hesab edir və bunu heykəli yasaqlamaq üçün heç bir əsasa malik olmayan yanaşma kimi qəbul edirik. Meriyanın əvvəlki və indiki sənədləri bir-birinə ziddir”, – deyə deputat əlavə edib.
