Müsavat Partiyasının binası qarşısında etiraz aksiyası keçirilib.
Hafta.az-ın verdiyi məlumata görə, narazı kütlə partiyadan çıxarılanların yenidən bərpasını istəyiblər. Təxminən 30-40 müsavatçının qatıldığı aksiyada plakatlar qaldırılıb.
Hafta.az-ın hadisə yerində olan əməkdaşının məlumatına görə, etirazçılar Müsavat başqanının yenidən seçilməsini tələb edirlər. Etirazçıların əllərindəki plakatlarda "Növbədənkənar qurultay çağırılsın" sözləri qeyd olunub. Müsavat Partiyasının başqanı Arif Hacılı isə etiraz aksiyasına reaksiya göstərməyib.
Qeyd edək ki, piketin sonunda qətnamə oxunub.
