Ukrayna Nepalda olan vətəndaşlarını ölkəsinə qaytarır.
ANS PRESS-in məlumatına görə, bunun üçün Ukrayna dövləti təyyarə ayırıb.
Hazırda Ukrayna Müdafiə Nazirliyinə məxsus İl-76 təyyarəsi təxliyyə edilmiş ukraynalılarla birgə Katmandu aeraportundan havaya qalxıb.
Məlumata əsasən Kiyevə gedən yolda təyyarə iki dəfə yanacaq üçün yerə enəcək. Bu Dehli və Bakı aeroportları olacaq. “Qromadskoqoq TB” xəbər verir ki, Azərbaycan paytaxtında sərnişinlər bir günlük istrahət üçün otellərə yerləşdiriləcəklər.
Qeyd edək ki, İl-76 təyyarəsi ilə Nepaldan 100 nəfərə yaxın adam təxliyyə olunacaq. Bu əsasən Ukrayna vətəndaşları eləcə də jurnalist, xilasedici və diplomatlardan ibarət qrupdur.
