Bakıda baş tutacaq I Avropa Oyunları zamanı 2163 sürücü nəqliyyat vasitələrini idarə edəcək.
ANS PRESS-in məlumatına görə, oyunlar keçirilən müddətdə xidmət göstərəcək sürücülər artıq xüsusi təlimlərdən keçiblər. Təlimlər zamanı sürücülər xarici dil, etika, psixoloji davranış kursları keçiblər.
Bundan başqa, sürücülər şəhərin hər bir nöqtəsilə tanış olublar. Sürücülər lazım olan məntəqəyə tez və rahat şəkildə çatmaq üçün təlimlər keçiblər.
Oyunlar zamanı xidmət göstərəcək sürücülərdən 807 nəfəri avtobus idarə edəcək. Taksi və digər minik avtomobilləri idarə edən sürücülərin sayı isə sayı 1356 nəfər olacaq.
Qeyd edək ki, sürücülər vahid formalarla təmin olunacaqlar.
