Albaniyanın Daxili İşlər naziri Sami Tahiri İŞİD tərəfindən təhdid olunub.
Axar.az xəbər verir ki, nazirin elektron poçtuna göndərilən məktubda Parisdən sonra paytaxt Tiranada terakt hazırlanacağı qeyd olunub:
“Parisdən sonra növbə Tirananındır. Siz döyüşdə Allahın qarşısında əsə-əsə, titrəyərək məğlub olacaqsınız”.
Yerli medianın məlumatına görə, məktub İŞİD-in albanlardan ibarət “Qırmızı alay”ından göndərilib.
Nazir məsələ ilə bağlı Prezident Buyar Nişaniyə məlumat verib. Prezidentin əmri ilə Albaniya Milli Şurasının toplantısı keçiriləcək.
