Rusiya prezidenti Vladimir Putin oktyabrın 29-da Rusiya məktəbliləri hərəkatının yaradılması barədə fərman imzalayıb.
Keçmiş KQB əməkdaşı olan Putin 15 illik hakimiyyəti dövründə bir sıra keçmiş sovet simvollarını bərpa edib.
1922-ci ildə keçmiş Sovet İttifaqında yaradılan pioner hərəkatı 1991-ci ildə buraxıldı. Həmin dövrdə 9-14 yaşadək hər bir şagird bu hərəkatın üzvü olmalı idi.
Pionerlərin simvolu isə qırmızı qalstuk idi.
Oktyabrın 29-da isə 1918-ci ildə keçmiş Sovet İttifaqında yaradılmış komsomol hərəkatının 97-ci il dönümü tamam olur.
