Bir-neçə ay bundan öncə Tiflisdə keçirilən Xəzər-Qara Dəniz ölkələrinin kubokunda erməni zabitini məğlub edən Yol Xətt MMC-nin hüquqşünası Babək Əliyev dünya çempionu olub.
Axar.az xəbər verir ki, Azərbaycanı təmsil edən Babək Əliyev VJJF və ICO j-1 qaydası ilə Almanyanın Ştutqard səhərində keçirilən dünya çempionatında birinci yerə çıxaraq, bayrağımızı dalğalandırıb.
Hər il “kombat” idman növləri üzrə keçirilən dünya çempionatında 500-dən çox idmançı iştirak edib. Babək Əliyev 80 kiloqram çəki dərəcəsində ilk döyüşünü İtaliya təmsilçisi ilə keçirərək, ona qalib gəlib. Daha sonra rinqdə fransız əsilli İsveç təmsilçi ilə qarşı-qarşıya gələrək onu da məğlub etməyə müvəffəq olub və finala yüksəlib.
Finalda gənc hüquqşünas Əlcəzair idmançısı Mehdi Maunanedi ilə üz-üzə gəlib. Bu görüşdə də Babək Əliyev rəqibinə şans verməyərək dünya çempionu tituluna sahib olub.
