Sumqayıtda yeni tikilməkdə olan binanın şaxtasında kişi meyit tapılıb.
Sumqayıt şəhər Prokurorluğundan APA-ya verilən məlumata görə, hadisə “Turan” MTK-nın inşa etdiyi yeni yaşayış binasında qeydə alınıb. Araşdırmalar nəticəsində binanın şaxtasında meyiti aşkarlanan şəxsin elə həmin binada gözətçi işləyən, 1961-ci il təvəllüdlü Yaşar Surxayev olması müəyyən edilib.
İlkin ehtimala görə, Y. Surxayev liftin şaxtasına yıxılaraq aldığı xəsarətdən ölüb.
