Rusiya Federal Təhlükəsizlik Xidməti Moksva, Sankt-Peterburq və Sverdolvsk vilayətində teror aktları planlaşdıran dəstənin darmadağın edildiyini elan edib.
Modern.az Rusiya KİV-nə istinadən xəbər verir ki, potensial terrorçular Yekaterinburq şəhərində həbs olunublar. FTX rəsmi məlumatında həbs olunan 7 nəfərin Türkiyədən gəlmiş və İŞİD-lə bağlılığı olan Rusiya, Mərkəzi Asiya respublikaları vətəndaşları olduğu bəyan edilib.
“Rusiyada qadağan olunmuş İŞİD qruplaşmasının üzvləri kustar üsulla hazırladıqları partlayıcı qurğularla Moskva, Sankt-Peterburq şəhərlərində və Sverdlovsk vilayətində rezonanslı terror aktları törətməyi planlaşdırırdı”.
Həbs olunanlara qarşı 3 maddə ilə (terror hazırlığı, silah saxlama və partlayıcı qurğu saxlama) cinayət işi açılıb.
