Bakının Nərimanov rayonunda yerləşən “Brizol” göz klinikası səhiyyə ocağında ölüm hadisəsinin baş verməsi ilə bağlı yayılan məlumata münasibət bildirib.
Göz Klinikasından AzVision.az-a verilən məlumatda deyilir ki, yayılan məlumatlar özündə heç bir həqiqəti əks etdirmir. Qəbul şöbəsindən bildirilib ki, klinikada bu günə kimi çox sayda azyaşlı əməliyyat olunub:
“Amma ölüm halının baş verməsi ilə bağlı yayılan məlumat doğru deyil. Bu məlumat necə yayılıb bilmirik. Hazırda Klinika özü bunu araşdırır. Nəticələr də ictimaiyyətə açıqlanacaq”- deyə Klinikadan bildirilib.
Qeyd edək ki, “Report” xəbər agentliyi “Brizol” göz klinikasında əməliyyat olunan Qusar rayon sakini, 5 yaşlı Yusif İbrahimov əməliyyat masasında ölməsi ilə bağlı məlumat dərc edib.
