Rusiya Federal Təhlükəsizlik Xidmətinin (FTX) Tatarıstan üzrə idarəsi İŞİD-ə qoşulmaq üçün Suriyaya gedən üç yerli sakinin adını açıqlayıb.
Virtualaz.org saytı xəbər verir ki, onlardan biri azərbaycanlı Quliyev Malik Seyfulla oğludur. 1990-cı ildə anadan olub, Azərbaycan vətəndaşıdır.
O, Rusiya-Azərbaycan sərhədinin “Dərbənd” sərhəd-keçid məntəqəsindən keçib və Bakıya istiqamət alıb. Daha sonra buradan İŞİD-ə qoşulmaq üçün Türkiyə üzərindən Suriyaya keçib.
FTX həmin şəxslərə qarşı terrorçu təşkilatlara qoşulmaq ittihamı ilə cinayət işi qaldırıb, onların Rusiyaya geri qayıtmasına qadağa qoyulub.
