Zaxarova Ermənistanın Roma Statutuna qoşulma istəyini şərh etdi
Tarix: 30-03-2023, 19:28 | Çap et
Zaxarova Ermənistanın Roma Statutuna qoşulma istəyini şərh etdi

Rusiya XİN-in sözçüsü Mariya Zaxarova Ermənistan Konstitusiya Məhkəməsinin Roma Statutunun ölkə qanunlarına uyğunluğu ilə bağlı qərarını şərh edib.

O, brifinq zamanı News.ru portalının əməkdaşının müvafiq sualını cavablandırıb.

“Bu məsələ həm Moskvada, həm də İrəvanda yüksək səviyyəli təmaslar zamanı müzakirə predmetidir. Bu təmasların detallarını açıqlamağı məqsədəuyğun hesab etmirəm”, - deyə XİN rəsmisi bəyan edib.

Tədbir nazirliyin sosial şəbəkə səhifəsindən canlı olaraq yayımlanıb.

“Ümid edirik ki, bu məsələ müttəfiqlik ruhunda və qarşılıqlı faydalı əsaslarla həll olunacaq”, - Zaxarova əlavə edib.

Xatırladaq ki, Beynəlxalq Cinayət Məhkəməsi Rusiya Prezidenti Vladimir Putinin həbsinə order verib. Bu qərarın icrası Roma Statutuna qoşulan bütün ölkələr üçün məcburidir.




Xəbərlər
 
 
 
 
 
 
 
 
 
 
 
 
 
 
 
 
 
 
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
E-mail : [email protected]
Designed by Daraaz.net