Koronavirus testi pozitiv çıxmış azərbaycanlı cüdoçu Ramil Qasımov Tokio Yay Paralimpiya Oyunlarında mübarizə apara bilər.

Oxu.Az-ın əldə etdiyi məlumata görə, səhhətində koronavirus simptomları müşahidə edilməyən idmançının təşkilatçılardan təkrar testlə bağlı tələbi yerinə yetirilib.

Ondan sabah yenidən test götürüləcək. Əgər testin nəticəsi neqativ çıxsa, o, avqustun 27-də çəkiölçmə mərasiminə, bir gün sonra isə yarışda mübarizəyə qatılacaq.

Qeyd edək ki, 2016-cı ildə keçirilmiş son Paralimpiya Oyunlarının qalibi olan Ramil Qasımovun adı bu gün keçiriləcək püşkatma mərasimində də yer alıb. Belə ki, o, mübarizə aparmalı olsa, Qazaxıstan cüdoçusu Temircan Dövlətlə qarşılaşacaq.