Suriyanın şimalındakı kürd bölgəsində yeni kanton elan edilib.
Publika.az Türkiyə mediasına istinadən xəbər verir ki, bu barədə Suriya kürdlərinin sözçüsü Delil Osman bildirib.
Yeni kantona iyun ayında İŞİD-in əlindən alınan Tel-Abyad şəhəri də daxildir. “Suriya Kürdüstanı” da adlandırılan Rojava bölgəsindəki yeni kürd kantonunun rəsmi adı hələ açıqlanmayıb. Beləliklə, kürdlərin Suriyada elan etdikləri kantonların sayı 4-ə çatıb. Suriyalı kürdlər daha əvvəl Cəzirə, Afrin və Kobanidə kanton elan etmişdilər.
Yeni kantonun elan edilməsi kürd güclərinin Türkiyə sərhədindəki bölgəyə nəzarəti ələ keçirməsinin rəsmi şəkildə açıqlanması anlamına gəlir.
