Yaponiyanın baş naziri Fumio Kişida NATO və Aİ sammitlərində iştirak etmək üçün iyulun 11-dən 14-dək Litva və Belçikaya səfər edəcək.
Vertikal.az APA-ya istinadla xəbər verir ki, bu barədə "Kyodo" agentliyi məlumat yayıb.
Bundan əlavə hökumət başçısı iyulun 16-dan 19-dək Yaxın Şərqə səfər edəcəyini açıqlayıb.
NATO-nun Vilnüs sammiti iyulun 11-12-də keçiriləcək.
2022-ci ildə Kişida alyans sammitində iştirak edən ilk Yaponiya hökumət başçısı olub.
Bundan sonra Yaponiya Xarici İşlər Nazirliyi NATO-nun Brüsseldəki səfirliyindən ayrılaraq müstəqil missiya yaratmaq və bununla da missiyanın statusunu yüksəltmək qərarına gəlib.
