Ukrayna Daxili işlər nazirliyi Rusiya ordusunun Şastye şəhərini (Luqansk vilayəti) ələ keçirdiyi ilə bağlı informasiyaları təkzib edib.

Nazirliyin mətbuat xidmətindən verilən məlumata görə, hazırda şəhər Ukrayna Silahlı qüvvələri və “Luqansk-1” taboru tərəfindən müdafiə olunur.

Daxili işlər nazirinin müşaviri Anton Geraşşenko rus tanklarının keçməməsi üçün Severskiy Donets çayı üzərindəki körpünü partlatdıqlarını açıqlayıb.