ABŞ Ukrayna ətrafında yaranmış gərginliklə bağlı Çini NATO ilə Rusiya arasında vasitəçi olmağa çağırıb.
Bizimyol.info xəbər verir ki, Tomas Qrinfild bu barədə "CNN" televiziyasında Ukrayna-Rusiya böhranı ilə bağlı danışarkən qeyd edib.

Tomas Qrinfild Çinin BMT Təhlükəsizlik Şurasında ölkələrin sərhədlərinin və suverenliyinin qorunması ilə bağlı narahatlığını tez-tez dilə gətirməsini əsas gətirərək, Rusiyanın Ukraynanın ərazi bütövlüyünü təhdid etdiyini qeyd edərək, :"Çinin rusları doğru şeyi etməyə təşviq etməkdə rol oynayacağına ümid edirik", - deyib.

Çinin BMT-dəki Daimi Nümayəndəsi Zhang Cun "Twitter" hesabında ABŞ səfirinə: "Bizim mesajımız ardıcıl və aydındır. Fikir ayrılıqları diplomatiya yolu ilə həll edilməlidir. Gərginliyi artırmağı dayandırın və Rusiyanın qanuni təhlükəsizlik narahatlıqlarını ciddiyə alın", - deyə cavab verib.