Afroamerikalı Corc Floydun ölümünə görə başlayan etiraz aksiyaları ilə əlaqədar Vaşinqton ətrafına 1600-ə qədər hərbçi yerləşdirilib.
APA-nın "Reuters"ə istinadən verdiyi xəbərə görə, bu barədə Pentaqon sözçüsü Conatan Hoffman bildirib.
Onun sözlərinə görə, 1600-ə qədər əsgər Vaşinqton yaxınlığındakı hərbi bazalara yerləşdirilib.
“Əsgərlər paytaxt bölgənin hərbi bazalarında yerləşdirilir. Onlar yüksək hazırlıq vəziyyətindədir, ancaq onlar mülki orqanlara kömək etmirlər”, -deyə Pentaqon sözçüsü qeyd edib.
