AXCP Babək rayon şöbəsinin fəal üzvü Bağırzadə Zeynalabdın həbs olunub.
AzVision.az xəbər verir ki, bu barədə Femida.az-a onun qardaşı, AXCP-nin Naxçıvan şöbəsinin sədri Yaşar Bağırsoy məlumat verib.
Qeyd edək ki, 14 noyabr tarixində Babək rayon Dövlət Sosial Müdafiə Fondunun 5 əməkdaşı Zeynalabdın Bağırzadənin yaşadığı ünvana gedərək, onun həyat yoldaşına bildiriblər ki, sosial sığorta haqqının ödənişi gecikib.
Beləliklə, Zeynalabdın Bağırzadənin həyat yoldaşı ilə fondun əməkdaşları arasında anlaşılmazlıq yaranıb. Hadisədən sonra isə, Zeynalabdın Bağırzadə fondun əməkdaşları ilə “haqq-hesab” çəkməyi qərara alıb. İnsidentdən sonra hər iki tərəf Babək rayon prokurorluğuna şikayyət ərizəsi ilə müraciət edib.
Beləliklə, fond əməkdaşlarını döyən AXCP üzvü həbs edilib.
