Böyrəklərim sıradan çıxıb, ağrılara dözə bilmirəm.
Bu sözləri son günlərdə səhhəti ilə bağlı ciddi problemlər yaşayan xalq artisti İlhamə Quliyeva Axar.az-a danışarkən deyib. Onun sözlərinə görə, səhhətindəki problemlər aradan qalxmır:
“Böyrəklərim işləmir, ola bilsin ki, əməliyyat olunum. Özümü heç yaxşı hiss etmirəm, ağrılara dözmək olmur. Şəkərim də qalxıb, dəhşətli vəziyyətə düşmüşəm.
Həkimlər hamısı başıma dolanırlar, əllərindən gələni edirlər, amma ağrılar hələ də davam edir. Mehriban məni zəhərləyib bu günə saldı, amma inanıram ki, Allahın və həkimlərin köməyi ilə sağalacağam”.
