Terror təşkilatı PKK-nın həbsdə olan lideri Abdullah Öcalanın Avstriyanın paytaxtı Vyanada yaşayan və 8 aydan bu yana xəbər alına bilməyən qardaşı oğlu, 36 yaşındakı Hüseyn Yıldırımın cəsədi tapılıb.
Modern.az xarici mediaya istinadən bildirir ki, intihar etdiyi təxmin edilən Yıldırımın cənazəsi dəfn edilmək üzrə Türkiyəyə göndərilib.
8 ay əvvəl itkin düşən Hüseyn Yıldırımın tapılması üçün təhlükəsizlik güclərinə müraciət edilib. Ancaq aradan keçən müddətdə Yıldırım tapılmayıb. Bir neçə gün əvvəl Yıldırım ailəsinin oturduğu bölgə yaxınındakı bir anbarda gələn pis qoxular üzərinə edilən araşdırmada, Hüseyn Yıldırımın cəsədi tapılıb.
Aparılan araşdırmada iplə özünü asaraq intihar etdiyi müəyyən olunan Yıldırımın cəsədi ailəsinə təslim edilib.
