Dünən kriminal komediya janrında çəkilmiş "İki tüstü" filminin təqdimat mərasimi keçirilib.
Ölkə.az-ın məlumatına görə, rejissoru Əli-Səttar Quliyev olan ekran işinin təqdimatına bir çox məşhurlar qatılıblar.
Film iki dostun Tima və Farikin narkotik ucbatından başlarına gələn xoşagəlməz macəralardan bəhs edir. Tima əyləncə və narkotik həvəskarıdır. Ancaq dostunu da bu yola çəkə bilib. Farik isə hər vəchlə onu bu yoldan döndərmək istəyir.
"İki tüstü"nün finalında isə Tima da səhvini anlayır və narkotikə əlvida deyir.
Xatırladaq ki, filmdə Səməndər Rzayev, Nəriman Abdul-Əliyev, Vüsal Hacı-Qədir, Elsevər Mehdizadə, Diana Babayeva, Tamila Alverdiyeva, Diana Babayeva və başqaları çəkiliblər.
