Bakıda yaşayan xarici vətəndaşın evindən külli miqdarda pul oğurlanıb.
“Report”un xəbərinə görə, hadisə Nəsimi rayonunda baş verib.
Belə ki, Avstriya vətəndaşı, 1967-ci il təvəllüdlü Kuermayr Mixaelin Bakı şəhəri, Süleyman Rüstəmov küçəsində yerləşən evindən oğurluq edilib. Naməlum şəxs onun evinə açar seçməklə daxil olub və 4000 funt-sterlinq oğurlayıb.
Faktla bağlı Nəsimi Rayon Polis İdarəsinin 22-ci bölməsində araşdırma aparılır.
Qeyd edək ki, Kuermayr Mixael Bakıdakı şirkətlərin birində ofis meneceri vəzifəsində çalışır.
