“Rustavi-2” kanalının rəhbərliyinin dəyişdirilməsi cəhdi siyasi məzmun daşıyır.
Axar.az xəbər verir ki, bunu jurnalistlərə açıqlamasında ABŞ-ın Gürcüstandakı səfiri Yan Kelli söyləyib. Onun sözlərinə görə, ABŞ “Rustavi-2” telekanalı ilə bağlı baş verən proseslərdən narahatdır:
“Demokratik cəmiyyətlərdə tənqidi fikirlər boğulmaq əvəzinə təşviq edilməlidir. Biz Gürcüstanın Avroatlantik kursuna addımlamaq istəklərini dəstəkləməyə davam edirik. Hökuməti KİV-in azadlıq prinsiplərinə və siyasi plüralizmə əməl etməyə çağırırıq. Bu, həmin istəklərin ayrılmaz parçasıdır”.
Qeyd edək ki, bu gün Tiflis Şəhər Məhkəməsi “Rustavi-2” kanalının Baş direktoru Nikoloz Qvaramiyanın öz vəzifəsindən azad edilməsi haqqında qərar verib.
