Bakı şəhəri Yasamal rayonunda gününün çox hissəsini küçələrdə kağız, yarpaq və butılka yığaraq keçirən qoca yaşayır. Bu şəxsin adı Azərdir.
66 yaşlı Azər Hacıyev, Yasamal rayonu Mirəli Seyidov küçəsində yararsız hala düşmüş avtomobillərdən birində gecələyir. Azərbaycanlı qocanın dediyinə görə, təqaüd almır və övladları yoxdur. Qardaşının yararsız hala düşmüş avtomobilində yaşayan Azər, 1 stəkan isti çaya belə möhtacdır. Mərdəkanda yerləşən qocalar evindən atıldığını deyən qoca, içki içmədiyini, dilənmədiyini, sadəcə kağız yığıb yandıraraq isindiyini və ona kömək edən insanların hesabına həyatda qaldığını bildirir.
Bizim Yol
