Xaçmazın Qaraqurdlu kəndində yaşayan və tutuquşular saxlayaraq satışı ilə məşğul olan Cavid Məmmədovun həyətindəki tikliyə ilan hücum edib.
“Qafqazinfo” xəbər verir ki, tutuquşuların sahibi Cavid Məmmədov “KanalEF.com”-a bildirib ki, uzun illərdir bu işlə məşğul olub. Hər ay paytaxt Bakıya 15-20 tutuquşu göndərir ki, bununla pul qazanır və ailəsini saxlayır. Ötən gün isə tutuquşuların saxlandığı yerə girərək tutuquşularını yemləmək istəsə də, gördüyü mənzərədən şoka düşüb. Belə ki, ilan tutuquşuların yerinə girərək birini udub, ikincisinidə udmaq istəyən an ilanı vurur və iki yerə ayırıb. Cavid Məmmədov udduğu cansız tutuquşuları ilanın bədənindən xaric edir.
