Qarabağ Azadlıq Təşkilatının (QAT) sədri Akif Nağının deputatlığa namizədliyi qeydə alınıb. Bu barədə QAT-ın mətbuat xidmətindən aldığımız məlumatda deyilir.
Xəbərdə bildirilir ki, 9 saylı Binəqədi 2-ci Seçki Dairəsinin 19 saylı protokoluna əsasən QAT sədri Akif Nağının bu ilin noyabrın 1-də keçiriləcək parlament seçkiləri üçün deputatlığa namizədliyi qeydə alınıb.
A.Nağı bundan öncə onun namizədliyinə maneçilik törədənlərə sərt şəkildə mesaj verərək, “saxtakarlıq edənlər bizi qarşısında görəcək” demişdi.
Qeyd edək ki, QAT sədrinin seçki qərargahı 6-cı mkr., S.Məmmədova küç.,ev 209 yerləşir.
