Parlament seçkilərində maraqlı dairələrdən biri də 9 saylı Binəqədi II Seçki Dairəsidir.
Axar.az xəbər verir ki, bu dairədə üç iddialının deputatlığa namizədliyi qeydə alınıb.
Onlardan biri YAP-ın vahid namizədidir. Hakim partiya Milli Onkologiya Mərkəzində baş direktorun müavini Kəmaləddin Qafarovun namizədliyini irəli sürüb.
Böyük Azərbaycan Partiyasının (BAP) sədri Elşən Musayev də bu dairədən seçkilərə qatılıb. O, “Lider” telekanalında çıxışları ilə tanınır.
Digər namizəd Qarabağ Azadlıq Təşkilatının (QAT) sədri Akif Nağıdır. A.Nağı erməni siyasətçilərin, idmançıların Bakıya gəlməsinə etirazları ilə tanınır.
VHP üzvü olan İsmi Şahzadə isə öz təşəbbüsü ilə bu dairədən namizədliyini irəli sürüb. Millət vəkilliyinə iddialı gənc artıq DSK-ya imza vərəqələrini təqdim edib.
Xatırladaq ki, indi bu dairədən deputat Rəfael Cəbrayılovdur.
