Yaltada (Krım) azərbaycanlı Cəlil Nəcəbovun heykəlinin ucaldılması istiqamətində işlərə start verilib.
Bu barədə mətbuata Yaltada Azərbaycan icmasının rəhbəri Rəhim Hümbətov məlumat verib.
Cəlil Nəcəbov Yaltanı faşistlərdən azad etmiş 323-cü alayın komandiri, şəhərin fəxri vətəndaşı, azərbaycanlıdır.
Rəhim Hümbətovun dediyinə görə, artıq heykəlin qoyulacağı yerdə hazırlıq, tikinti işləri başlayıb.
Yaltada Cəlil Nəcəbovun adını daşıyan bağ da mövcuddur. İcma rəhbərinin məlumatına görə, bağın bir hissəsi kommersiya strukturuna verilib və orada ticarət-əyləncə mərkəzi tikilir. Bununla da sözügedən bağın ərazisi təxminən yarıbayarı azalıb.
